Itxinape Mendi Taldeko presidentea izan zen Fede Alberdi hamabi urtez eta bere lana aitortu zuten atzo ibilaldia hasi baino lehen.
Aurtengo Orozko Harana ibilaldia berezia izan da, tamalez. Izan ere, Fede Alberdi Itxinape Mendi Taldeko presidentea irailean zendu zen eta klubak merezitako omenaldia eskaini zion atzo, martxa hasi baino lehen.
Ekitaldian senideek ez ezik, dantzariek, lagunek eta mendizale ugarik parte hartu zuten eta hemen ikus daiteke osorik:
Honako bideo hau prestatu zuten Itxinape Mendi Taldeko kideek proiektatzeko:
Post by @aiaraldea@tkm.eus
View on Mastodon
Guztira, 400 parte-hartzaile izan zituen ibilaldiak, baina jende gehiago batu zen omenaldian. Eguraldiak ez zuen bereziki lagundu, behe-laino itxia eta euria izan baitzituzten. Antolatzaileek azpimarratu dute istripurik gabe amaitu zela eguna eta mendizaleek pozik bukatu zutela.
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
