Gaztaina Egunaren XXIV. edizioa ospatuko dute Orozkon urriaren 26an

Maider Ramirez Martin 2025eko urriaren 16a
Deskargatu Info Ahotsak :

Jende andana bildu ohi da Gaztain Egunean. / Aiaraldea.eus

Mendi ibilaldia eta herri bazkaria izango dira eguneko osagai nagusiak, urteroko tradizioari jarraiki.

Beste urte batez antolatu du Orozkoko Supelaur elkarteak Gaztaina Eguna. XXIV. edizioa da, zehazki, aurtengoa eta egitarauak ohiko moldea jarraitzen du: mendi ibilaldia eta herri bazkaria.

Egunari hasiera emateko, 9:30etan abiatuko da autobusa Hegoaldetik Usabel auzunera. Bertatik ekingo diote 6 kilometro inguruko ibilbideari, zeina Teilieri, Lastrabe eta Irukusgietatik igaroko den. Kirikiño hesiak bisitatzeko eta horien inguruko azalpenak jasotzeko parada izango dute parte hartzaileek.

Behin herrira itzulita, herri bazkaria egingo dute frontoian 14:30ean, egunari amaiera emateko.

Gaztainak euskal gizartean, eta bereziki Orozkon, izan duen garrantzia goraipatzeko eta honen bilketa ospatzeko eguna izango da, beraz, urriko azken igandea.

Kultura Orozko

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide