Munduan zehar bidaiatzeari buruzko hitzaldi zikloa abiatuko dute Orozkon

Maider Ramirez Martin 2025eko urriaren 29a
Deskargatu Info Ahotsak :

Kirguistanen bidaia partekatu zuten Ana Zamorano eta Diego Borchersek.

Hiru ostiralez izango dira hitzaldiak, Donibane Aretoan, azaroaren 7an, 14an eta 22.

Hitzaldi Ibiltariak ekimena antolatu du Orozkoko Udalak Eusko Jaurlaritzaren babesarekin. Munduko txoko ezberdinetan bizitako esperientzia bereziak lehen eskutik ezagutzeko aukera izango dute bertaratzen direnek.

Hitzaldiak azaroaren 7an, 14an eta 22an izango dira eta guztiak 19:00etan hasiko dira. Sarrera librea izango da lekua bete arte. Gaztelaniaz izango dira hitzaldi guztiak.

Munduan zeharreko esperientzia erabat ezberdinak

Zikloa irekiko duen hitzaldia Diego Borchers eskiatzailearen eskutik etorriko da. Kazajistanen mendiko eskia egiten bizitako abenturak partekatuko ditu herritarrekin.

Azaroaren 14an, ostera, Ana Zamoranoren txanda izango da. Bi urtez mundu osoan zehar bizikletaz egindako bidaia izango du hizpide.

Azkenengo saioan, hilaren 22an, Yhabril argazkilaria ezagutzeko aukera egongo da. Bere sormen prozesuaz mintzatuko da bera eta bere ibilbide profesional oparoan bizitakoen berri emango du.

Jendartea Orozko

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide