Mendian zauritutako emakumezko bat erreskatatu dute gaur Orozkon

Erredakzioa 2025eko azaroaren 1a
Deskargatu Info Ahotsak :

Gaurko erreskateko irudia. / Maialen Ugarriza

Larrialdi zerbitzuek mendian zauritutako 47 urteko emakumezko bat artatu dute gaur goizean Orozkon. Ertzaintzaren Zaintza eta Erreskate Unitatearen helikopteroa baliatu dute horretarako.

Ertzaintzaren Zaintza eta Erreskate Unitatea eta Bizkaiko Foru Suhiltzaileak mobilizatu dira gaur goizean Orozkon, mendian orkatila bihurritu duen 47 urteko emakumezkoa artatzeko.

Larrialdi zerbitzuek 12:30ak aldera jaso dute abisua. Beteluri auzo inguruan jaso da ezbeharra, Orozkoko mendigunean. Larrialdi zerbitzuek Ertzaintzaren helikopteroa baliatu dute zauritutako mendizalearengana iristeko.

Orozkoko zabalgune batean lekualdatu dute emakumezkoa anbulantziara eta Usansoloko ospitalera eraman dute.

Jendartea Orozko

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide