Orozkoko Udalak galdetegia prestatu eta zabaldu du, herriko frontoia ixteko bi proposamenen artean hautatu dezaten herritarrek. Hemen klikatuta bozkatu daiteke abenduaren 9ra arte, egun hori barne.
Izan ere, tokiko erakundeak hobekuntzak egin nahi ditu herrigunean dagoen kirol azpiegitura horretan. Berez, oso erabilia bada ere, euria egiten duenean arazoak sortzen dira espazioa bere osotasunean aprobetxatzeko, bai kirol praktikarako zein aisialdirako.
Gauzak horrela, bi proiektu garatu dituzte eremua ixteko. Bat egurrezkoa da eta bestea, berriz, metalezkoa. Horien bien artean zein nahiago duten bozkatu ahal dute herritarrek. Momentuz, 300 lagunek baino gehiagok eman dute boza eta babes gehien jaso duena egurrezkoa da, baina oraindik denbora dago emaitza aldatzeko.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
