Maderas de Llodioko langileei elkartasuna adierazi eta Garnicako zuzendaritzak egin nahi dituen kaleratzeak errefusatu ditu Orozkoko Udalak, azaroko udalbatzan onartutako mozioaren bidez. EH Bilduk aurkeztu zuen proposamena, eta aho batez onartu zen.
Horrez gain, langileak aurrera eramaten ari diren greba mugagabeari ere babesa helarazi dio tokiko erakundeak, eta "kezka" adierazi du Aiaraldeko desindustrializazioaren eta enplegu-suntsiketaren aurrean.
Era berean, Jaurlaritzari eta Araba zein Bizkaiko Foru Aldundiei bidali diete mozioa, "Aiaraldea Suspertzeko Planak garatuz behar diren neurriak har ditzaten Aiaraldean enplegu gehiago suntsitu ez dadin eta Maderas de Llodioko lanpostuak defendatu ditzaten".
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
