Santa Luzia azokak hartuko du bihar herriko plaza Orozkon

Aitor Aspuru Saez 2025eko abenduaren 12a
Deskargatu Info Ahotsak :

Aurreko edizio baten argazkia. / Aiaraldea.eus

Lehen sektorean zentratutako azokak Gorbeiako behorkumearekin egindako hanburgesak dastatzeko aukera eskainiko du.

Bihar tradizio handiko hitzordua egongo da Orozkon, Santa Luzia azoka, hain zuzen. Lehen sektoreari lotutako jaia izango da, eta 10:00etatik 14:00etara nekazarien eta artisauen salmenta postuak prest egongo dira Zubiaur plazan. 

Horrez gain, 12:30etik 13:30era, Gorbeiako behorkumearekin egindako hanburgesak dastatzeko parada emango dute. Tiketak plazan bertan egongo dira salgai guztiak agortu arte.

Goizeko egitarauarekin amaitzeko, 14:00etan banatuko dituzte ogi lehiaketaren sariak eta ekoizleen merkatuko postu onenaren aitortza. Gainera, parte-hartzaileen artean saskien zozketa egingo dute.

Musika

Goizeko ekitaldiak girotzeko trikitilariek joko dute herrigunean, baina gauean ere ez da faltako musika eta 19:30etik 21:30era, Bilbotxeros Band taldeak kontzertua izango du.

Kultura Orozko

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide