Kultur sorkuntza Aiaraldean

Agurtzane Intxaurragak zuzendutako "7 urte" antzezlana ostiralean estreinatuko da

Maider Ramirez Martin 2026ko urtarrilaren 22a

Obrako antzezleak oholtza gainean. / Vidania Films konpainia

Kandido Uranga, Jon Olivares, Iñigo Gastesi, Dorleta Urretabizkaia eta Aitor Beltran aktoreak dira orozkoarraren azken lanaren protagonistak. Basauriko Social Antzokian ikusi ahal izango da, 20:00etan.

Urtarrilaren 23an estreinatuko da Agurtzane Intxaurraga zuzendariaren azken antzezlana: 7 urte. Izen bereko film eta antzezlanaren euskarazko egokitzapena dakartza orozkoarrak, izen handiko aktoreen interpretazioarekin. Ostiralean izango da estreinaldia 20:00etan, Basauriko Social Antzokian.

Thriller generoko antzezlana da 7 urte, eta gau bakar batean gertatzen da Madrilgo bulego batean. Enpresa bateko lau bazkideren istorioa kontatzen du: zor publikoari iruzur egiteagatik horietako batek zazpi urteko espetxe-zigorra onartzea erabakitzeko bitartekari baten laguntza beharko dute, eta erabaki horrek pertsona bakoitzaren alderik okerrena aterako du. Zergatik? Zenbat balio du 7 urte kartzelan pasatzeak? Nork hartuko du errua?

Honako aktore hauek hartuko dute oholtza: Kandido Uranga (Heroiak, Maspalomas), Jon Olivares (Patria, Altsasu), Iñigo Gastesi (Gelditasuna ekaitzean, La infiltrada), Dorleta Urretabizkaia (Hil Kanpaiak) eta Aitor Beltran (Gelditasuna ekaitzean).

Kultura Orozko

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide