Iker Larrazabalek eta Arkaitz Eskuzak indarrak neurtuko dituzte ostiralean Orozkon

Aitor Aspuru Saez 2026ko otsailaren 24a

Arkaitz Eskuza eta Iker Larrazabal, pilotaren oraina eta etorkizuna eskualdean. / Aiaraldea.eus

Bihar arte aukera egongo da Aiaraldea Komunikabideak abiatutako zozketan parte hartzeko.

Orozkok Binakako Serie B Txapelketako finalerdietako bat hartuko du ostiralean 20:45ean, baina norgehiagoka horren hitzaurre paregabea eskualdeko pilotariek jarriko dute.

Izan ere, Aiaraldeko bi profesionalak aurrez aurre arituko dira eta horrek gatz eta piper gehigarria emango dio kirol gauari. Alde batetik, Iker Larrazabal Olabezarreko kirolariak bikotea osatuko du Aimar Morgaetxeberriarekin. Beste bikoteak ere eskualdeko zaporea izango du Arkaitz Eskuza laudioarrak jokatuko baitu Peio Etxeberriarekin.

Binakako Serie B Txapelketako finalerdiak

Tokiko gazteek ez ezik, Binakako Serie B Txapelketako finalerdietan egoteko txartela ere lortu duten bikoteak Peña II-Salaverri II eta Murua-Gabirondo izango dira. Lehia oso estua egongo da finalean egoteko eta horren lekuko izango dira ikusleak.

Pasa den astean Aiaraldea Komunikabideak, Orozkoko Udalak lagunduta, zozketa hasi zuen sarrera bikoitza eskuratzeko eta bihar amaituko da izena emateko epea, eguerdian. Hemen parte har dezakete interesdunek.

Kirola Orozko

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide