Kultur sorkuntza Aiaraldean

Axier Ruiz aerografia artistaren lanak ikusteko aukera egongo da gaur arratsaldean

Aitor Aspuru Saez 2026ko maiatzaren 9a

Axier Ruizen lanetako bat. / A. R.

Jentilbaratzen izango da erakusketa eta artistak berak parte hartuko du.

Gaur 18:00etatik 20:30ak arte Axier Ruiz artista bizkaitarraren lanak ikusteko aukera egongo da. Berez, sortzaileak diziplina anitzak lantzen ditu, baina Jentilbaratzen (Olabarriandikoa auzoa) egongo den erakusketan aerografia baliatuta egindako erretratuak egongo dira ikusgai.

Berez, Ruizek ibilgailuetan eta hormetan, txirrinduletan edota kaskoetan egiten du lan, bezeroek eskatutakoa margotzen grafitia edota aerografia uztartuta.

Antolatzaileek azaldu dute artistarekin ibilaldia egingo dutela bere lanen nondik norakoak ezagutzeko eta gero enkante bidez erosi ahalko dira koadroak.

Gainera, mokadua egongo da bertaratzen direnentzat. Interesdunek 688 893 789 telefono zenbakiaren bitartez jakinarazi dezakete parte hartuko dutela.

Kultura Orozko

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide