Orozkok egun bizia izango du larunbatean, abereen azoka antolatuko baitute goizez eta puntako pilota partidak arratsaldez.
Inguruko beste azoketan bezala, dermatosi nodular kutsakorraren ondorioz, ez da behirik egongo, baina bai III. Bizkaiko
Azpigorri Lehiaketa eta II. Euskal Herriko Mendiko Zaldi Txapelketa.
Halaber, Hegoalden egingo den azokak produktu freskoak eta hurbilekoak eskainiko ditu, promozio bereziekin erosketak egiten dituztenentzat: bertan egindako 30 euroko erosketa bakoitzagatik, merkatuko produktuez osatutako oparia emango da, agortu arte. Horrez gain, erosketa guztiek tokiko produktuen loteen zozketan parte hartuko dute.
17:10ean maila izugarriko partidak hartuko ditu pilotalekuak, San Fermin 4 eta 1/2ko Txapelketaren barruan. Alde batetik, Larrazabal-Morgaetxebarria bikoteak norgehiagoka izango du Eskuza-Dariorekin. Horrez gain, Jakak Amianoren kontra jokatuko du. Sarrerak udaletxean bertan eros daitezke.
Egitarau osoa honako hau izango da:
- 8:30 // Abereen sarrera azokara
- 9:00 // Parte hartzaileen gosaria
- 10:00 // Merkatua: Nekazaritzako elikagaien produktuak eta artisautza
- 10:00 // II Euskal Heriko Mendiko Zaldi lehiaketaren hasiera
- 11:00 // III Azpigorri lehiaketaren hasiera
- 11:00 // Zaldi-okelaren dastaketa
- 14:00 // Abere txapelketen sari-banaketa
- 15:00 // Abere azokan parte hartu duten bazkaria
- 17:10 // Esku pilota profesionala