Lau dira dagoeneko Naia Landaluzek Athleticekin jokatu dituen denboraldiak, eta beste bi urtez behintzat jantziko du elastiko zuri-gorria: 2028ra arteko kontratua sinatu du atzelariak maiatzean.
Zehazki 104 partida eta 2.000 minutu baino gehiago egin ditu orozkoarrak Athleticekin zelaian, F Ligako jardunalditan, Kopan eta Superkopan. 2022-2023 denboralditik aurrera hasi zen minutu gehiago izaten, eta erregulartasun handiko futbolari bihurtu da gaur gaurkoz. Denboraldi bakoitzean 30 partida inguru jokatu ditu.
Pozik azaldu da Landaluze Jon Uriarte Athletic Clubeko presidentearekin eta Xabier Arrieta Emakumezkoen Futboleko zuzendariarekin batera kontratua sinatu ostean: "Niretzat ohore bat da. Athletic nire bizitza da, txikitatik koloreak sentitzen irakasten dizute eta ilusio berezia egiten dit nire kontratua berritzeak. Zaila da iristea, baina are gehiago irautea, eta egunerokotasunaz gozatuz, nigan jartzen dut arreta, eta baita taldeari egin ahal diodan ekarpenean ere. Balio horiek erakutsi dizkidate eta taldean transmititzen jarraitu nahi dut".