Birziklapena sustatzeko neurri berriak hartu ditu Urduñako Udalak. Horretarako jatorri begetaleko gai organikoa jasotzeko 7 edukiontzi jarri ditu Gernika plazan Otxomaio alboan, San Frantzisko auzoko aparkalekuan, Foru plazan Aduana atzean, Gran Via kaleko 10-12 zenbakietan, Mikel Deuna auzoan, Landatas auzoan eta La Antiguan.
Birziklatzeko konpromisoa hartuko dutenei emago dizkie udalak kuboa, poltsa konpostagarriak, edukiontzia irekitzeko giltza eta azalpen eranskinak. Hondakin organikoa ongarria bilakatuko dute Bizkaiko Foru Aldundiko konpostaje azpiegieturetan.
Autokonpostajea
Bestalde, etxeko lorategian edo ortuan konpostajea praktikatu nahi dutenek laguntza jasoko dute. Horretarako konpostagailu batez, aireztagailu batez eta gida didaktikoaz hornituko dute.
Horrez gain, trebakuntza eskainiko du udalak azaroaren 17an. Izena emateko edo informazioa jasotzeko 682797483 telefono zenbakira deitzeko parada izango dute interesdunek, baita www.ut21.org, www.urduna.com bisitatuta edota konposta@ut21 helbidera idatzita.
Guztira, tokiko erakundeak 7.000 euroko inbertsioa egingo du.