Azaroaren 18, 19, 20, 25 eta 26an egingo da Urduñako Musika Astea. Hogei kontzertu egongo dira Liborio kolektiboak antolatutako egitarauan.
Hainbat estilotako musika entzuteko aukera egongo da bost egun horietan. Aurreko urteetako ildoari jarraiki, aurten ere herriko hainbat tabernetan izango dira kontzertuak. Hilaren 19an musika emanaldi ugari egongo dira Foru Plazan, eta 26an herri bazkaria eta jam sessiona egingo dira Gaztetxean, amaiera ekitaldi gisa.