"Valence SOS" dinamikaren baitan elkarretaratzea egin zuten ostiralean Urduñako Foru plazan. Mobilizazioaren amaieran asanblada informatiboa burutu zuten Aletxu Zobaran saratxoko preso politikoaren egoeraren berri emateko. Izan ere, Euskal Herritik 950 kilometrora dagoen Valenceko espetxean dago preso. Adierazi dutenez, espetxe berria da, estatu frantseseko kartzela sisteman esperimentaziorako erabiltzen ari direna. Espetxe horretako bizi baldintzak eta egoerak "jasanezinak" direla eramu ezberdinetatik salatu dute. Horren adibide gisa jarri dute segurtasun eza, masifikazioa...
"Ibon eta Aletxu dira Valencera eraman dituzten lehen euskal preso politiko eta bakarrak". Egoera ikusita abuztuaren 8tik borrokaldiari ekin zion Aletxu Zobaranek Ibon Goieaskoetxearekin batera, Euskal Herrira hurbiltzeko eskaera egiteko. Ordutik ekimen ezberdinak egin dira hainbat herritan. Urduña eta Plentziako alkateek, esaterako, Bilboko kontsularekin interlokuzioa abiatu zuen, eta Bagoaz plataformak Ipar Euskal Herrian frantses estatuko sektore ezberdinekin gestioak egin ditu.
Herri mobilizazioak
Ildo beretik, gutun bidalketa masiboa burutu dute, eta bi presoen herrietan hainbat mobilizazio egin dira. Zehazki, Amurrion, Urduñan, Bilbon, Busturian, Gernikan, Plentzian eta Gorlizen garatu dituzte salaketa dinamikak. Alde horretatik, Valence SOS dinamikak positibokiko baloratu du egindako lanketa: "Pozik baina adi gaude, pozik Ibon eta Aletxu aterako dituztelako Valenceko espetxetik, baina adi oraindik bertan ditzutelako gatibu". Haatik, egoera aldatu bitartean Valence SOS dinamikarekin jarraituko dutela jakinarazi dute: "Hurrengo astean beriz egingo ditugun mobilizazioetan parte hartzeko gonbidapena luzatzen dizuegu, hro bai, berri ona eman ahalko dizuegulakoan gaude. Baina gure konpromisoa eta eskaria harago doa, euskal preso politiko guztiak etxeratu arte lanean jarraituk odugu, et agurekin batera lanean jarraitzeko eskaera egiten dizuegu, soilik guztion lanaz lortuko dugulako".