Larunbat honetan, irailak 24, Urduñako IV. Mendi Duatloia izango da, 16:00etatik aurrera. Lehiaketa Euskal Herriko mendi duatloi zirkuituaren barruan dago eta aurtengoa Urrezko duatloia izango da Urduñakoa, zirkuitu osoko luzeena baita.
Hainbat eliteko kirolarik hartuko dute parte
Antolatzaileek hainbat eliteko kirolarik parte hartuko duela aurreratu dute. Besteak beste, Urduñan izango dira Marga Fullana egungo munduko mendi bizikleta txapelduna, Espainiako txapelketako eta Europako Duatloi krosseko garailea ere izan dena, Rofer Serrano, 23 urtez azpikoen kategorian munduko triatloi txapelkduna eta Duatloi krosseko egungo txapelduna dena, Francesc Freixer, Duatloi krosseko Espainiako txapelduna eta Yolanda Magallon, Duatloi kross nazionaleko txapelketan zilarrezko domina eskuratu zuena eta Europako txapelketako hirugarren postuan amaitu zuen.
Ibilbide gogorra
Ibilbideak hiru zati izango ditu: mendiko traila (11.9 km), mendiko txirrindula (20 km) eta hiri ibilbidea (1,5 km). Foru plazan hasiko da proba eta lehen zatian %30ko inklinazioa duen aldapei aurre egin beharko diete parte hartzaileek.
Bigarren sektorean asfaltoa eta lurra izango dira protagonista eta aldapek %26ko gehieneko malda gainditu beharko dute txirrindulariek. Azkenik, hiriko alde zaharreko kaleak zeharkatuko dituzte, guztira 1,5 kilometroak osatuz.
Zuzenean jarraitzeko aukera
Hitzordua streaming bidez emititua izango da aiaraldea.eus webgunearen bidez. Horrez gain lasterketaren jarraipen zehatza egingo dute antolatzaileek twiter bidez @UmdUrduna jarraituta.