Maria Barbero urduñarrak hirugarren postua lortu zuen Alcarrasen jokatutako lehen txandan eta arratsaldeko proban bigarren sailkatu zen. Bi postu hauekin, bigarren kokatu da Espainiako 1.000 cc.-ko Kopan eta Nafarroan erabakiko da aurtengo txapelketa.
Konfiantza errekuperatzea, garrantzitsuena
Jerezen izandako erorikoaren ondoren, konfiantza berreskuratzea zen helburuetako bat Alcarrasen izandako lasterketan eta lortutako emaitzekin, pixkanaka konfiantza lortzen doa Urduñako pilotoa.
Maria eta motorrak hobekuntza nabarmenak izan dituzte, horren adibide da larunbatean 130 km/h-ko haizea jasanda, urduñarrak bigarren txandan bigarren postua lortu zuela.
Bi txandak jokatu ostean, Maria bigarren postuan dago sailkatua 57 punturekin, Cristina Juarranzen atzetik, 75 punturekin. Gidariaren esanetan ez da erraza 18 puntu horiek murriztea baina urrian izango den Nafarroako Los Arcoseko lasterketan berarengana hurbiltzen saiatuko da eta posible izanez gero, txapelketa irabaztea.
Lau hilabete lan egiten jarraitzeko
Hurrengo probarako lau hilabete aurretik izanda, Maria Barberok uda aprobetxatuko du hobekuntza jarraitu ahal izateko. Asteburu honetan Alcañizera joango da motorra hobetzeko eta uztailaren erdialdean Nafarroako Los Arcoseko zirkuitura joango da hura ezagutu eta bertan trebatzeko.