Urduñako Aintzinako Andra Mari ikastetxeak 50 urte betetzen dituela ospatzeko ekimenez jositako egitaraua plazaratu dute; musika, hitzaldiak, erakusketak... mota guztietako ekintzak izango dira urte osoan zehar.
50 urte Josefinoen etorreratik
1965ko urriaren 5ean hasi ziren Murialdoko Josefinoak Urduñako ikastetxean klaseak ematen; ordurako bi urte zeramatzaten eraikina atontzen Jesuitak bertatik alde egin eta gero.
Mende erdi honetan gauza asko aldatu bira, hasieran haztetxea zena egun den ikastetxe mistoa izateraino. Egun zentruak adin guztietarako hezkuntza eskaintza du, haurtzaindegitik batxilergoraino alegia.
Ekimen ugari mende erdia ospatzeko
Oraindik egitaraua guztiz itxi ez badute ere, hainbat ekintza aurreratu dituzte, guztira 4 kirol ekimen, 6 hitzaldi eta beste dozena bat ekimen kultural izango dira: argazki eta pintura erakusketak, ipuin lehiaketa, kontzertuak, euskal zinemaren asteburua eta abar.
Apirila eta maiatza ekimenez josita egongo dira:
Apirilaren 17an Diego Martin Etxebarria orkestra zuzendaria arituko da Familia Sakratuan. Apirilaren 29an hitzaldia emango du Julen Oyarzabal Santamarina neurologian adituak Aintzinako Andra Mari Ikastetxean bertan.
Maiatzaren 20an izango da 50. urteurrenaren ospakizun nagusia Aintzinako Andra Mari Ikastetxean. Egun horretan bertan solasaldia izango dute
Asier Pérez, Javier Gutiérrez eta Sabin Azuak, besteak beste, lan munduaren etorkizunari buruz arituko dira Aintzinako Andra Mari Ikastetxean. Maiatzaren 27an aldiz, Lan Orientazio Jardunaldia izango da Aintzinako Andra Mari Ikastetxean bertan.
Hauekin batera, ekintza gehiago izango dira datozen hilabeteetan.