Urduñako udalak hiriko komertzioak indartzeko diagnostiko bat egingo du. Helburuen artean dago sektorea hobetzeko ekintzak planteatzea. Egitasmoa aurrera eramateko Merkataritza Biziberritzeko Plan Berezia (PERCO) jarri du abian udalak. Proiektua garatzeko Eusko Jaurlaritzako Ekonomiaren Garapen eta Lehiakortasun Sailaren laguntza ekonomikoa jasoko dute. Ildo beretik, aholkulari bat izango du Urduñak. Azterketa egiteko 67 establezimendu gonbidatu dituzte. Aurreratu dutenez, sustapen ekonomikoaren parte diren agente ezberdinen parte hartzea bilatuko dute: enpresena, merkatariena...
Tokiko kontsumoa bultzatuz
Abenduan zehar tokiko kontsumoa bultzatzeko kanpaina egin zuen Urduñako Merkatari elkarteak. Lurrean itsatsitako euskarrietan azaldu zutenez, Urduñako komertzioek sektorearen %52ari ematen diote lana, merkatalguneek %8 hornitzn duten bitartean. Horrez gain, Urduñan erabiltzen den diruak hiru aldiz zirkulatzen duela ekonomia nagusian murgildu aurretik nabarmendu zuten. Merkatarien arabera, ikrisi gariaan gertuko dendetan kon tsumitzeak tokiko ekonomia indartzen du enplegua sustatuz eta herritarren arteko harremanak sustatzen.