Iraileko lehen asteburuan ospatuko da Urdufolk Nazioarteko folk jaialdiaren III. edizioa. Koroatze Jaietan egingo da musika jaialdi hori, eta folk taldeen lehiaketa izango du ardatz. Aurten guztira zortzi talde aurkeztu dira lehiaketara (2 Euskal Herrikoak, 3 Valentziakoak eta Granadako, Galiziako eta Herrialde Katalanetako bana). Epai-mahaiak hiru finalista hautatu ditu. Koroatze Jaien lehen egunean (irailak 4) joko dute hiru taldeek, eta emanaldi horien arabera erabakiko du epai-mahaiak nor izango den aurtengo edizioko irabazlea.
Hauek dira lehiatuko diren hiru taldeak:
LOCHLAINN
Musika zeltikoa jorratzen duen talde valentziarra.
[video:https://www.youtube.com/watch?v=ksL_i-bPK7U]
ANGELA FURQUET
Herrialde Katalanetatik datorren abeslaria. Bere lurraldeko musika tradizionala ber-asmatzen dihardu.
[video:https://www.youtube.com/watch?v=08Xz6xTi0_s]
KLOF
Euskal Herriko taldea. Gitarrak, biolinak, akordeoiak, albokak, txistuak... bat egiten dute bere abestietan.
[video:https://www.youtube.com/watch?v=qWEOR1LW3Ko]
Musika emanaldiak
Hiru talde horiek ez dira izango, baina, jaialdian joko duten bakarrak. Lehiaketatik kanpo beste hiru talderen malodiak entzun ahal izango dira: irailaren 5ean (larunbata) Ibon Koteron, Xabi Valle eta Ruben Isasik sortutako Albokak 2.1 eta Maroko Frantzia eta Espainiako musikariez osatutako Gabacho Maroconnection arituko dira.
[video:https://www.youtube.com/watch?v=1e51hvYDqJY]
[video:https://www.youtube.com/watch?v=VYUAX23QKt4]
Igandean (irailak 6), berriz, Aiko dantza plaza taldearen txanda izango da.
*Koroatze Jaien ostiraleko (irailak 4) egitarauaren berri izateko klikatu hemen.
*Koroatze Jaien larunbateko (irailak 5) egitarauaren berri izateko klikatu hemen.
*Koroatze Jaien igandeko (irailak 6) egitarauaren berri izateko klikatu hemen.