Ibilbide teknikoagoa aurtengo "Urduñako Mendi Duatloian"

Erabiltzailearen aurpegia Irati Moreno 2015ko uzt. 20a, 14:34

Irailaren 20an izango da aurten Urduñako Mendi Duatloiaren III.edizioa. Gualdetxu Mendi Bizikleta Taldeak eta Urduñako Txirrindularitza Elkartekoek antolatzen dute urteko zita garrantzitsua da. Ibilbidearen nondik norakoak jada zehaztu dituzte eta esan dutenaren arabera, aurten ibilbide teknikoago bat sortu dute.

Irailaren 20an izango da aurten Urduñako Mendi Duatloiaren III.edizioa. Gualdetxu Mendi Bizikleta Taldeak eta Urduñako Txirrindularitza Elkartekoek antolatzen duten urteko zita garrantzitsua. Ibilbidearen nondik norakoak jada zehaztu dituzte eta esan dutenaren arabera, aurten ibilbide teknikoago bat sortu dute.

Hiru sektorek osatuko dute ibilbidea. Lehena 10,9 km izango ditu eta menditik korrika egitekoa izango da. Bigarrena, aldiz, bizikletarekin egin beharreko sektorea izango da eta 21 kilometro izango ditu. Azken zatia, helmugara heldu baino lehenagoko sektoreak, 1,53 kilometro izango ditu.

Aurrekoetan bezala, erreleboak egin ahal izango dira. Hau da, korrikalari batek txirrindulari bati txanda pasa diezaioke honek lasterketarekin buka dezan.

Sariak

Lehenengo hiru emakume zein gizonak saritzeaz gain, aurten gainera, antolatzaileek sari berezia ere eskainiko dute. Izan ere, eskualdeko lehenengo hiru neskek zein mutilek ere saria jasoko dute. Bi modalitateetan emango dira sariak: bakarkako lasterketan edo errelebokoan.  

Kirola Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide