Argazki galeria (Lander Gonzalez) eta Klubak idatzitako kronika:
Asteburu zoragarria izan da eta emakumeen futbolaz Arbietoko zelaian gozatzeko aukera paregabea izan dugu. Larunbat goizean A taldeko Lakua eta Aranbizkarrako taldeek lortu zuten igandean jokatu ziren aurre-finaletako pasea. Hori dela eta Urduñako jubenilak kanpoan geratu ziren. B taldean, aldiz Urduña eta Nanclares taldeak jarraitu zuten zurrera, Elorriaga eta Torpedo Zuribeltz kanpoan geratuz.
Lehenengo aurre-finala Lakua eta Nanclaresen artekoa izan zen eta 3-1eko emaitza lortu zuten. Beste aurre-finalean Urduñak 3-0ko emaitza lortu zuen Aranbizkarraren aurka. 3 eta 4. postuen arteko lehia handia egon zen. Izan ere, Aranbizkarrak eta Nanclares taldeak partidaren bukaerara heldu ziren berdinduta eta penaltien ronda hasi behar izan zuten. Gauzak horrela, Aranbizkarrak lortu zuen irabaztea eta, beraz, 3. postua. Finala, ordea, bestelakoa izan zen, partidu osoan lehia handia egon zen arren, azkenean, Lakuak gola sartu zuen eta Urduñak partidua galdu zuen.
Gure taldeak
Gure jubenilek ezer gutxi egin ahal izan zuten senior kategoriako taldeen aurka eta jokatu zuten bi partiduak galdu zituzten. Bata Lakuaren aurka 0-7 eta bestea Aranbizkarraren aurka 0-4.
Bestalde, gure lehen taldea aurkari guztien gainetik ibili zen talde fasean. Nanclaresen aurka 4-0ko gaipena lortu zuen: Txitik bi gol sartu zituen eta Maitane eta Esti bana. Torpedo Zuribeltzen aurka ere garaipena lortu zuten neskek 6-0. Oraingoan, Txitik 3 gol sartu zituen, Estik 2 eta Maitanek 1. Elgorriagaren aurkakoa izan zen azken partidua eta honetan ere garaipena lortu zuten Txitik, Estik eta Anek sartu zituzten golak. .
Igandeko aurre-finaletan Aranbizkarraren aurka aritu ziren 3-0ko emaitza lortuz, Maitanek bi gol sartu zituen eta Txitik bat. Horri esker, finalerako pasea lortu zuten nesken eta Lakuaren kontra aritu ziren, gaur egun , Arabar Kopako txapeldunen aurka, alegia. Garaipenez jositako torneo honetan hori izan zen galdutako partidu bakarra 0-1eko emaitzarekin.
A TALDEA
Orduña A 0-7 Lakua
Aranbizkarra 4-0 Orduña A
Lakua 2-0 Aranbizkarra
B TALDEA
Torpedo Zuribeltz 0-3 Elgorriaga
Orduña B 6-0 Nanclares
Elgorriaga 1-1 Nanclares
Orduña B 4-0 Torpedo Zuribeltz
Nanclares 5-0 Torpedo Zuribeltz
Orduña B 3-0 Elgorriaga
AURRE-FINALAK
Lakua 3-1 Naclares
Orduña 3-0 Aranbizkarra
3.eta4. POSTUAK
Aranbizkarra 0-0 Naclares
Penaltiak 3-1
FINALA
Orduña 0-1 Lakua