Otxomaio Jaietako ohiko korrida bertan behera utzi dute. Hedabideek azaldu dute enpresa antolatzaileak ez zuela akordio ekonomikorik lortu enpresa ganaduzalearekin eta toreatzaileekin.
Komunikabideek adierazi dute enpresak ez zuela bermatu ez batzuen zein besteen soldatak eta ondorioz ikuskizunean parte hartzeari uko egin diote.
Ez da lehen aldia Baños Toros enpresak horrelako gertakari bat eragiten duena.
Ertzaintzak jakinarazi du bertan behera utzi dutela
Ertzaintzaren auto batek, megafoniaren bitartez, jakinarazi du korrida ez zela egingo. Autoa plazan sartu zen horretarako.
Udalak gertatutakoa ikertu behar du
Udalak jakinarazi du momentuz ezin duela azalpen ofizialik eman. Erakundeak adierazi du Urduñako elkarte zezen-zalearekin batzartu behar dela gertatutakoaren nondik norakoak ondo ezagutu eta zehazteko.
Hala ere, alkateak oso larritzat jo du gertatutako; emandako irudia txarra izan ez ezik, dakitenez publikoari ere ez zaio dirurik itzuli.
Diru-laguntzak
Udalak argitu du korridak diru-laguntzen bitartez antolatzen direla. Udalak herriko elkarte zezen-zaleari dirua bideratzen dio eta honek enpresa batekin adosten du ikuskizuna.
Erakundeak azaldu du txostena osatu behar dela jakiteko zer gertatu den diru publiko horrekin, gertatutakoaren arabera neurriak hartzeko.