Apirileko 30eko Udalbatzak Emakumeen eta Gizonen Berdintasunerako II. Plana (2015-2017) onartu zuen. Planak hiru urte iraungoko ditu eta urtero egingo diren ekintzetan zatitu dute.
Diagnostikoa egiteko elkarteek zein norbanakoek parte hartu zuten berdintasunarekiko Urduñako hiriak dituen gabeziak detektatzeko eta hobetzeko.
Udal langileen soldata igoera
Gainera, Udalbatzak udal langileei soldataren % 2 igotzea onartu zuen, izan ere 2011. urtetik ez dute igoerarik izan. Alkateari 2012ko abenduan kendutako aparteko ordainsaria ere ordaintzea adostu zen.
Lursail publikoaren erabileraren ordenantzan aldaketa
Kalean eraikuntzako materiala, hondakinak, hesiak, andamioak, eskorak eta edukiontzien kokapena araupetzen duen udal-ordenantza ere aldatu dute. Hala, hemendik aurrera 10 egun baino gutxiagoko lursail publikoa erabiltzen dituzten enpresei tasa berria jarriko zaie.
Orain arte hilabeteko alokairua onesten zen. Aldaketa honekin prezioa jaistea eta bide publikoetatik gauzak ahalik eta azkarren kentzea bilatu dute.
Autokarabanentzako aparkalekua
Urduñako zezen plazaren ondoko zelaian autokarabanentzako gunea egitea onartu zen. Prozesua herritarren parte hartzearekin egin da. Aholkularitza lanak Hiritek enpresak egingo ditu eta hurrengo Udalbatzan lagatze modelo bat aurkeztuko da.