Josu Unanue EH Bilduko Bizkaiko foru hautagaiak Urduña bisitatu du udalak abiatutako tokiko elikagai ekologikoen erosketa publikoa bultzatu nahi duela adierazteko.
Idoia Aginako EH Bilduko hautagaia eta Mikel Kormenzana EH Bilduko Bizkaiko foru hautagaia Arratiako zirkunskripzioan egon dira Josu Unanuerekin.
Mikel Kormenzanak Urduñako udalak martxan jarritako ekimena azaldu du: ““Proiektu honi esker, Urduñako adineko egoitzan dauden nagusiek bertako produktu ekologikoetan oinarritzen dute haien eguneroko jana. Ondoren, bertako eskolara eta eguneko zentrora bideratuko da esperientzia. Urduñako Turismo bulegoan bertako produktuak daude salgai eta gizarte ongizaterako biltegian banatzen den janaria ere bertako ekoizleen produktuak dira. Urduñan bezala, Bizkaiko hainbat herri eta eskualdeetan ere halako proiektuak martxan jartzea oso garrantzitsua da, gizarteari elikagai osasuntsuak eskaintzen dizkiogulako, enplegua sortzeko bidea delako eta bertako ekoizleen etorkizuna bermatzen laguntzen duelako”