Osteguneko udalbatzan, EH Bilduren bozekin Urduña “Aiaratur” Nerbioigoinako Aiara Turismo elkarteko kidea izateari uztea onartu dute.
Elkartean egoteak 9.000 euro urteko suposatzen zuen eta joan den urtean 8.300 euroko diru-sarrera izan zuten elkartearekin egindako hitzarmen baten ondorioz. Azken hori Turismo bulegoa finantzatzeko zen baina bulegoa udaleko errekurtsoekin ordaintzea proposatu dute.
“Irteera honek ez dio Urduñari turistikoki kalte egingo eta gainera, gure dinamizazio plan propioak egin nahi ditugu”, azpimarratu zuen Karlos Arranz alkateak.
Saratxoko errepidearen eraikuntzaren adierazpen instituzionala
Urduñako Udalak Amurrioko Udalari Saratxoko errepidearen eraikuntza dela-eta beste mozio bateratua egitea eskatuko dio. Hala, biek Arabako Foru Aldundiari eta Biltzar Nagusiei errepidearen eraikuntzan neurriak hartzea eta proiektuaren beste aukerak aztertzea eskatuko diete.
Animaliak eduki eta babesteko ordenantza berria
“Ordenantza berri honek ez du aurrekoa asko aldatzen, udalak ez dituelako errekurtsorik”, aipatu du alkateak. Ordenantza Euskadiko Udalen Elkarteak (EUDEL) egindako batean oinarritzen da eta nahiz eta udalari isunak jartzeko ahalmena ez eman, gatazkak konpontzeko balioko du.