Urduñako populazio datuak aldatu egin dira. Udalak prentsa ohar bidez azaldu duenez, biztanle kopurua jaitsi da, eta herrialdeena igo. Aldaketa, baina, ez da handia izan: Urduñak 30 hiritar galdu zituen 2013an zehar. 2014ko erroldari begiratuz 4.216 pertsona bizi dira Urduñan. Emakume eta gizonen arteko aldea txikia da: 2.151 gizoineta 2.065 emakume baitaude. Jatorria erreparatuta, 193 dira beste herrialdeetatik etorritako biztanleak, populazioaren %4.5. Biztanleriaren azterketaren arabera, jatorri aniztasuna handitu egin da hirian.
33 estatu
33 estatu ezberdin ordezkatzen ditu Urduñak gaur egun. Horien herena Europatik etorria da, 9 lurralde identifika litezke datuetan eta. Horrez gain, Afrikatik, Amerikatik edo Asiatik bertaratutako herritarrak ere nabarmentzen dira. Komunitateei dagokienean ekuatoriarrak, marokoarrak, nigeriarrak eta argeliarrak dira Europakoak ez diren herritar gehienak.
Batazbesteko adina, 44 urte
Jatorri eta biztanle kopurua ez ezik adinaren batazbestekoa ere ikertu dute Hala, biztanleen batazbesteko adina 44 urtekoa dela adierazi du udalak.
Aipatutako datuek 2013an egindako ikerketa dute abiapuntu. Azterketaren ondotik, 2014ko urtarrilaren 1ean onartu zen udalbatzan: "Urtean zehar konprobatzeko egingo diren kudeaketa ezberdinen ondoren onartuko dira zenbakiak, Estatistiken Institutu Nazionalarekin elkarlanean".