Lehiaketa eta kontzertuak nagusi Urduñako aratusteetan

Erredakzioa 2015eko otsailaren 9a

Otsailaren 14tik 17ra ospatuko dira aratusteak Urduñan. Arizgoiti berbenak abiatuko du festa 17:30ean, 18:30ean inauterietako desfilea egongo delarik. Mozorro lehiaketan izena-emateko aukera 17:00etatik 18:00etara egongo da Foru Plazan.

Mozorro lehiaketa

Txapelketaren baitan taldeka eta banaka sarituko dira mozorrorik onenak. Kategoria indibidualean lehen saria bakarrik banatuko da. Helduen mailan 50€ banatuko dira, eta haurrenean 30€. Taldekako lehian, aldiz, helduek 85 euroko saria eskuratzeko aukera izango dute, haurrek 80€ eta gazteek 85€. Sari banaketa 19:30ean izango da.

Otsailaren 15ean, berriz, Santa Zezilia bandaren kontzertua egongo da Foru plazan. Ez edonolakoa, gainera, egun berezia izaki mozorratuta oholtzaratuko baitira. Otsailaren 17an bukatuko dira Urduñako aratusteak, 17:00etatik aurrera Foru Plazan egongo den txokolatada eta erromeriarekin.

Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide