Otxomaio jaiak iragartzeko kartel lehiaketa abian dago. Hiru maila egongo dira: bi umeentzako eta helduentzako bakarra. Hala, umeek bi kategoria izango dituzte: alebinak (5-9 urte) eta infantilak (10-14 urte).
Partaideek gehienez bi lan aurkeztu ahalko dituzte. Lanek "Otxomaio 2015, Urduña jaietan" leloa eraman beharko dute. Helduen kategoriari ezaugarri bat gehituko zaio: 70x50 zentimetrotako neurria izan beharko dute.
Lanak gutunazal txiki batekin entregatu beharko dira, zeinetan egilearen izen-abizenak, telefonoa, helbidea, N.A.N zenbakia eta adina azaldu beharko diren. Parte hartzeko epea martxoaren 13 arte egongo da.
Lanak Kultur etxean aurkeztu behar dira, astelehenetik ostiralera 11:00etatik 13:00etara Kultura arloan.
Alebinetan lehen postuari 50€ emango zaizkio, bigarrenari 40€. Infantiletan txapeldunarentzat 60€ izango dira eta txapeldunordearentzat 40€.
Helduen mailan, ordea, sari bakarra egongo da; 450€ eramango ditu irabazleak.
Informazio guztia webgunean dago. Aurkeztutako lanekin erakusketa bat egingo dute martxoan zehar Urduñako kultur etxean.