Montenegro taldearen kudeaketaren porrotaren ostean, Urduñako Udalak Aduanako bainuetxe-hotelaren lizitazio berria prestatzen ari da. Horretarako udal talde politiko orori eta udal teknikariei zabaldutako lan-mahai deitu du. Urtarrilean bukatu nahi dute prozesua.
Udala lanean aritu da azken bi hilabeteetan hartzekodunen konkurtsoaren kudeatzailearekin likidazioa saihesteko. Hala ere, Montenegro taldeak pilatutako zorrak handiegiak izan dira eta ez da bideragarria izan beste enpresa eragilerik topatzea, horrek Montenegroren ardurak har zitzan.
200.000 euro baino gehiagoko zorra
Udalarekin 200.000 euroko zorra ez ezik, Gizarte Segurantzarekin 180.000 euroko zorra ere sortu du Montenegro taldeak. Egoera horren ondorioek ezer ezean utzi dute Udalak egindako proposamen ezberdinak eragile berria topatzeko.
Hori dela eta,“interes orokorrari lehentasuna emanez udalak lizitazio prozesua abiatuko du ondorengo helburuak beteko dituen proiektuaren bila: herrian lanpostuak sortzea, Aduana eraikinaren baloreari garrantzia ematea, azpiegitura publikoen mantenua eta herriko ekonomiari mesede egitea.”