La Paulen egingo den igerileku ekologikoaren lehen fasea azaltzen duen multimedia aurkezpena sareratu du udalak. Udalaren webgunean eta sare sozialetan ez ezik turismo bulegoan egongo da ikusgai. Horretarako, hiru hitzordu jarri dituzte. Lehenengo aurkezpena abenduaren 4ean egin zuten, ostegun arratsaldean. Bigarren zita gaur izango da, 18:00etatik 20:00etara. Igande goizean ere egongo da proiektua ezagutzeko aukera, 14ean 11:00etatik 13:00etara bideo proiekzioa eskainiko baitute. Horrez gain, herritarren kezka eta galderei erantzungo diete udaleko ordezkariek.
Urduñako udalak erdigunetik bost minutura kokatuta eta urte luzez utzia egon den eremua aprobetxatu nahi du, urte osorako aisialdirako gune bilakatuz. Hiru ekintza nagusi egingo dituzte: parkea eta ingurua hobetzea, kanping bat egitea eta udal ortuak bertara mugitzea. Zehaztasun guztiak bideoan bildu dituzte.
[video:https://www.youtube.com/watch?v=f0x-b2D87eM#t=30]