Atzo egin zuten azaroko udalbatza Urduñan. Aurrekontuetan aldaketak, Lendoñobeitirekin hitzarmena, emakumearen aurkako indarkeriaren kontrako udal adierazpena eta Aletxu Zobaran preso urduñarraren egoera salatzeko EhBilduk aurkeztutako mozioa izan zituzten hizpide, besteak beste.
Konponketak
Aurrekontuetatik 33.600€ inbertsio ezberdinetara bideratuko dituzte, EhBildu eta EAJ alderdien babesarekin, PPko zinegotzia baizen egon. Landatas auzoko konponketetan, esaterako, 5.000 euro erabiliko dira. Gernika plazan, aldiz, haurren jolas eremua atonduko dute. Horrez gain, arkeologia azterketa bat diruz lagunduko dute. Bestalde, alde zaharrean hutsik dauden eraikinen fatxadetan tratamendu bat egingo dute, kaleak txukuntzeko. Baita udalaren solarra izatera pasa den Kale Barriako 22 zenbakiko eraikinean ere.
Energia aurrezteko plana
Horretaz gain, energia aurrezteko planaren ildotik neurri berriak hartuko dituztela iragarri dute. Horretarako, aurrez, udalean azterketa bat egin dute, eta informearen ondorioetatik kontsumoa aurrezteko neurriak hartzea da asmoa.
Bestalde, Lendoñobeitiko dorretxea eta errotaren mantenu eta erabilera zehazten duen akordioa onartu zuten. Hala, urtero 1.000 euroko laguntza emango dio udalak herriari ikastetxeetako bisita eta udalaren jarduera kultural zehatzak erabiltzearen truke.
EhBildu alderdiak Aletxu Zobaran preso urduñarraren egoera salatzeko mozioa aurkeztu zuen, EAJ zein EhBilduren aldeko bozekin onartu egin zelarik.