Euskararen nazioarteko eguna ospatzeko hainbat ekintza prestatu dituzte

Izar Mendiguren Cosgaya 2014ko azaroaren 26a

Abendua euskaraz eta ekitaldiz blai dator Urduñara. Euskararen Arlotik makina bat ekintza prestatu dituzte datorren asterako. Abenduaren 3an, esaterako, Txantxariak ikuskizuna egongo da Foru Plazan 17:30ean. 19:00etan, berriz, "Euskararen argia" ekitaldia egingo dute, Euskararen Nazioarteko Eguna ospatu asmoz. Amurrion eta Laudion ere ekitaldi berdina egingo dute.

Abenduaren 5ean, ostiralez, pintxopote euskalduna egingo dute. Ekitaldia Foru plazatik abiatuko da 19:30ean, eta kantujira batek lagunduko du Urduñako tabernetara giro euskalduna hedatzen. Egitaraua prestatzeaz Euskara Batzordea arduratu da.

Haurren artean euskara sustatzeko, aldiz, gabonetako marrazki lehiaketa antolatu dute. Hala, Lehen Hezkuntzako ikasle guztieei zabaldu zaie parte-hartzea. Lehiaketara aurkeztutako lan guztiak Kultur etxean egongo dira ikusgai abenduaren 15etik aurrera.

Euskara Urduña

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide