Barrerillara bidean Gasteizerako errepideko aldeetariko batean izandako zuhaitz mozketa ezinegona sortu du Urduñan. Herritarrek sare sozialetan azaldu dute bere ondoeza, hainbat bananondo kendu baitituzte.
Salatzaileen artean Luis Maria Ria urduñarra dago. Herritarrak zabaldutako testuan goraipatu du zuhaitzek suposatzen duten onurak airea garbitzeko, errepidearen zarata saihesteko eta naturaren oreka mantentzeko dute garantzia.
Halaber, minduta dagoela adierazi du, natura eta zuhaitzekiko erakutsi den errespetu falta dela eta. Nahiz eta bananondoak tokikoak ez izan, Luis Maria Ria-ren ustez Urduñako paisaiaren elementu garrantzitsuak ziren.
Udalaren azalpenak
Udalaren kudeatzaileak, EH Bilduk, nahiz eta arduradunak ez izan, zenbait azalpen eman ditu. Antza BizkaikoForu Aldundiaren erabakia izan da zuhaitzak moztea, Ingurumen Sailaren baimenarekin.
Aldundiaren ustez zuhaitzen erroek eta tamainak kolokan jarri dute errepidearen segurtasuna. Eta Ingurumen Sailak, bananondoei balio ekologikorik ematen ez dionez mozketa baimendu du.
Udalak bere gain hartu du mozketak izan duen oihartzuna ez aurreikustea eta informazio gehiago ez ematea