Urduñako Aduana eraikinean dagoen hotela eta bainuetxea ustiatzen dituen Aisia enpresaren burua den Montenegro taldeak hartzekodunen konkurtsoa aurkeztu duela iragarri dute hainbat hedabidek.
Hotelak eta ostalaritza uztartzen ditu taldeak, Bizkaian, Gipuzkoan eta Kantabrian sei hotel dituelarik, ia denak termalismoari loturik; horretaz gain hainbat jatetxe osatzen duten Abaroa katea ere Montenegro taldeari dagozkio.
Urduñako Aduana eraikinean dagoen hotela eta bainuetxea ustiatzen dituen Aisia enpresaren burua den Montenegro taldeak hartzekodunen konkurtsoa aurkeztu duela iragarri dute hainbat hedabidek.
Hotelak eta ostalaritza uztartzen ditu taldeak, Bizkaian, Gipuzkoan eta Kantabrian sei hotel dituelarik, ia denak termalismoari loturik; horretaz gain hainbat jatetxe osatzen duten Abaroa katea ere Montenegro taldeari dagozkio.
Udaberrian Urduñako bainuetxeko langileek greba deitu zuten, enpresak 4 hilabeteko soldata zor zielako, azkenean ordea, bertan behera utzi zuten deialdia, zuzendaritzarekin akordioa erdietsita. Urte hasieran aldiz, Bilbon eta Getxon zituen jatetxeak itxi behar izan zituen Montenegrok eta hainbat langile kaleratu.
Urduñan ustiatzen duten Aduana eraikineko hotel eta bainuetxean izango duen eragina argitu gabe dago, hartzekodunek eta eraikinaren jabe den udalak hartuko dituzten erabakien arabera.
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
