Gabonetan zehar ekitaldiak prestatzeko diru-laguntzak eskainiko ditu Urduñako udalak. Urriaren 6an ireki zen proposamenak aurkezteko epea. Aurreratu dutenez, azaroaren 12 arte egongo da horretarako aukera. Diru-laguntzaren bidez gabonetan ekintzak antolatzeko baliabideak eskaintzea da helburua. Deialdia irabazi asmorik gabeko Urduñako kirol eta kultura elkarteei zuzenduta dago. Guztira, 3.400 euro bideratuko dira ekitaldietara.
Proiektuak aurkezteko taldeek Urduñan izan beharko dute egoitza soziala. Horrez gainera, kirol eta kultura jardueretan diru-laguntzen eskaerak eta esleipena arautzen duen Udal Ordenantzan ezarritako baldintzak bete beharko dituzte. Deialdira aurkezten diren elkarteek memoria bat entregatu beharko dute, ekitaldiaren helburua, data, ordutegia, diru sarrerak, gastuak eta beharrezko udal materiala zehaztuz. Nabarmendu dutenez jardueren%100 finantzatzeko aukera egongo da, beti ere 1.000€ baino gutxiagoko gastua baldin bada.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
