Urduñako kultur etxean auzokonpostaje ekimena aurkeztu zuten larunbatean. Egitasmoa herritarrek abiatu dute, materia organikoa birziklatu eta berrerabiltzeko helburuarekin. Hala, etxeko hondakinak nola konpostatu irakatsi zieten bertartutakoei. Izan ere, Urduñako udaletxe atzean kokatuta dagoen Trasantiagoko zelaigunean konposta egiteko ontzi bat jarriko dute.
Momentuz, piloto fasean edo probaldian dago ekimena, hamar familiak baino ez dute hartuko parte. Helburua, ordea, urrats bat gehiago ematea da. Horregatik, probaldiaren ondorengo emaitzak aztertu eta hiriko gainontzeko auzoetan konpostajea egiteko aukera aztertuko dute. Materia ondo bereiztu eta prozesua egoki garatzen ari dela bermatzeko erabiltzaile bakoitzak edukiontziaren giltza bana izango du.
Horretarako, aurrez formakuntza saio motz bat jaso dute. Urduñako udalaren arabera, konpostajearekin denek irabazten dute: ingurumenak, hiriak eta herritarrek.
Egunero pertsonako 1,5kg zabor
Ikerketek diotenez, pertsona bakoitzak batazbeste egunero 1,5kg hondakin sortzen ditu. Horietatik %35-45 ingur konpostaje bidez birziklatu daitezkeen organikoak dira, neazaritzan eta loragintzan lurra indartu eta sendotzeko erabil daitezkeenak. Horregatik, eskualdean ere geroz eta gehiago dira konpostajearen alde egiten duten herritar eta udalak.