Urduñako udalak hiriko zaborrontziak berrantolatzeko proposamena egin du. Horretarako, lau irizpide zehaztu dituzte.
Azaldu dutenez, hondakinak biltzeko gune guztietan zaborra, papera eta plastikoa uzteko aukera egongo da. Era berean, material ezberdinetako hondakinak pilatzeko bi gune berezi jarriko dituztela azaldu dute; papera, beira, plastikoa, arropa, olioa... jasotzeko. Bestalde, herritarren segurtasuna bermatze aldera hondakinen bilketa guneak egokituko dituzte, errepidea zapaldu gabe era seguru batean utzi ditzaten etxeko hondakinak.
Urduñako udalak hiriko zaborrontziak berrantolatzeko proposamena egin du. Horretarako, lau irizpide zehaztu dituzte.
Azaldu dutenez, hondakinak biltzeko gune guztietan zaborra, papera eta plastikoa uzteko aukera egongo da. Era berean, material ezberdinetako hondakinak pilatzeko bi gune berezi jarriko dituztela azaldu dute; papera, beira, plastikoa, arropa, olioa... jasotzeko. Bestalde, herritarren segurtasuna bermatze aldera hondakinen bilketa guneak egokituko dituzte, errepidea zapaldu gabe era seguru batean utzi ditzaten etxeko hondakinak.
Herritar talde baten proposamenari jarraiki, konpostajea bildu eta egiten hasiko dira. Horretarako, proba piloto bat abiatuko dute udan. Momentuz, Trasantiagoko zelaian kokatuko dute konpostajea egiteko edukiontzi berezia. Probak emaitza onak ematen baditu hiriko auzo ezberdinetan jartzeko aukera aztertuko du udalak.
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
