“Gure hizkuntza, gure elikadura, gure mundua” ardatz hartuta, Bizkaiko berbalagunen topaleku bihurtuko da Urduña. Egun horretan, San Juan baserritar-azoka egingo da herrian, eta, beraz, jai giroa ez da faltako egun osoan. Goizeko 10:00etatik aurrera eta arratsaldeko 19:00ak arte, hainbat ekintza gauzatuko dira, batetik, euskara, elikadura-burujabetza eta tokiko produktuak bultzatzeko, eta, bestetik, hiriaren bazter eta txokoak ezagutarazteko.
“Gure hizkuntza, gure elikadura, gure mundua” ardatz hartuta, Bizkaiko berbalagunen topaleku bihurtuko da Urduña. Egun horretan, San Juan baserritar-azoka egingo da herrian, eta, beraz, jai giroa ez da faltako egun osoan. Goizeko 10:00etatik aurrera eta arratsaldeko 19:00ak arte, hainbat ekintza gauzatuko dira, batetik, euskara, elikadura-burujabetza eta tokiko produktuak bultzatzeko, eta, bestetik, hiriaren bazter eta txokoak ezagutarazteko.
Gosari agroekologikoarekin egunari gogotsu ekin ondoren, alde zaharretik eta merkatutik egingo da bisita gidatua, eta, besteak beste, bertoko ekoizleen txakolina eta gazta dastatu ahalko dute berbalagunek. Eguerdi aldera, taloak egiten ikasteko tailerra egongo da, eta, ondoren, bazkaria (menua: taloa, sagardoa, postrea eta kafea). Azkenik, bazkalostean, euskal abestiak eta dantzak egongo dira.
Egun osoko txartela 10 euroren truke eskuratu ahalko da bai turismo bulegoan, bai Berbalagun taldeen koordinatzaileen bidez.
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
