aiaraldea.eus

La Paul, urte osorako igerileku ekologikoa

Erabiltzailearen aurpegia Izar Mendiguren Cosgaya  Urduña

Urduñako udalak La Paulen igerileku ekologiko bat egiteko proiektuaren lehen fasea onartu du. Hots, laku formako bainutoki bat egitea. Bigarren fasea udal kanping bat egitea litzateke, aire libreko ekintza ezberdinen topaleku izateko. Eta, azkena, parkearen prestaketei ekin eta autokontsumorako baratz ekologikoak bertan egokitzea. Udal ortuen leku aldaketa eta lehen fasea aldi berean egingo dute.

 

Urduñako udalak La Paulen igerileku ekologiko bat egiteko proiektuaren lehen fasea onartu du. Hots, laku formako bainutoki bat egitea. Bigarren fasea udal kanping bat egitea litzateke, aire libreko ekintza ezberdinen topaleku izateko. Eta, azkena, parkearen prestaketei ekin eta autokontsumorako baratz ekologikoak bertan egokitzea. Udal ortuen leku aldaketa eta lehen fasea aldi berean egingo dute.

 

Ekainaren 15ean auzolana

Oraingoz, proiektuaren aurkezpenean eta sarbideak atontzen zentratuko dira. Horretarako, ekainaren 15ean 08:00etan auzolana deitu dute, Gamako lakuaren inguruko bideak herritarren artean egokitzeko. Izan ere, bigarren fasea finantzaketa lorpenen arabera soilik da gauzagarria. Horregatik, gainontzeko faseei ekiteko beharrezko diru kopurua batzea izango da aurtengo helburua. Oinezbideek 3.5 metroko zabalera izango dute, eta material naturalak erabiliz egingo dituzte. 

Igerileku ekologikorako aurrekontua 875.814 eurotakoa da, BEZa barne. Bainutokiak 800m2 izango ditu, eta igerileku ekologikoa izango da. Garbitasuna bermatzeko ur araztegi biologiko bat jarriko dute, tratamendu kimikoa erabiliko ez dituena. La Muerako igerilekuak egokitzeko proiektuak 2.701.455€ balio zituen. Karlos Arranz alkatearen arabera, La Pauleko egitasmoarekin diruaren herena gastatuko da. Foru Plazatik bost minutura dagoenez, urduñarrek ez dute bertaratzeko autorik erabili beharko, eta inguruneaz urte osoan gozatzeko aukera izango dute.

La Pauleko igerileku ekologikoak hiru putzu izango ditu. Lehena, animalientzako eta babestutako espezientzako izango da, igel arinentzako, kasu. Gamako lakuan behatoki bat jarriko dute bisitariek ingurugiroaz gozatzeko. Azkenik, bainurako egokitutako putzua egingo dute.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa