Bidaiari batek treneko langile bat erasotu duela salatu du Renfeko Enpresa Batzordeak. Azaldu dutenez, erasoa iragan martxoaren 30an gertatu zen, Urduñako geltokian. Bidaian zehar langileak hainbat aldiz eskatu zion bidaiariari aulkitik oinak kentzeko; eta Urduñara iristean bidaiariak ukabilkada bat eman zion aurpegian eta alde egin zuen ondoren enpresa batzordearen hitzetan. Langilea Amurrioko anbulategira joan zen eta zauriak artatu ondoren salaketa jarri zuen Ertzaintzaren komisaldegian.
"Ez da lehen aldia"
Renfe "alor guztietan egiten ari den murrizketa etengabeeekin" lotu du enpresa batzordeak gertatutakoa, eta langileek segurtasun neurri gehiago izan beharko lituzketela aldarrikatu du. Hortaz gain, batzordeak azpimarratu dute ez dela halako erasoak gertatzen diren lehen aldia.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
