O-1 galdu zuen Urduña Futbol Klubeko emakumezkoen taldeak Ariz taldearen aurka iragan larunbatean. 82. minutuan sartu zuten Arizekoek garaipenaren gola. Hala, orain zailagoa da Urduñakoek Bizkaiko kopa irabaztea. Ariz lehenengo postuan dago (33. punturekin), eta Urduña aldiz bigarrenean (24 punturekin). Jokalariek azaldu dute maiatzaren 25ean bukatuko dela liga, eta bost partida geratzen zaizkiela jokatzeko.
Hala eta guztiz ere, Klubetik adierazi dute taldeak “bere historiako denboraldirik onena” ari dela egiten; 13 partidutan 31 gol sartu baitituzte taldeko kideek, eta 9 baino ez dizkiete sartu aurkakoek. 13 partida jokatu dituzte orain arte, eta horietatik 7 irabazi, 3 berdindu eta 3 galdu dituzte.
Haurrentzako torneoa
Aste Santua ez da oporretarako unea izango Urduña Futbol Klubean, Haurrentzako I. Torneoa egingo baituite apirilaren 19an. 9:30etan hasiko da eta C.D. Orduña (Bizkaia), C.D. Arratia (Bizkaia), Ik. Larramendi (Bizkaia) eta Kaskagorri F.T. (Araba) taldeek hartuko dute parte. Antolatzaileek jakinarazi dute liga formatuan jokatuko dela, "denak denen aurka".