Urduñako Otxomaio jaietarako kartel txapelketa abian da, Urduñako Kultura Etxean datorren martxoaren 14a baino lehen kartelak aurkezteko epea izango delarik. Sail nagusiak 300 euroko saria izango du eta haurrei dagokienez bi kategoria izango dira, 9 urtera artekoa eta 10 urtetik 14 urtera artekoa; bi kategoriotako txapeldunek eta txapeldunordeek saria jasoko dute.
Edozein teknikaz eginiko lanak onartuko dira, baina guztiek ezinbestean "Otxomaio 2014" eta "Urduña jaietan" leloak izan beharko dituzte irakurgai. Kartelek 70 x 50 zentimetroko neurria izan beharko dute eta euskarri gogor baten gainean joan beharko dute. Aurkeztutako lanak izenpetu gabe aurkeztu beharko dira, egilearen datuak gutunazal itxian joango direlarik. Lehiaketan aurkeztutako lanekin erakusketa izango da Kultur Etxeko Areto Nagusian.
Deialdiaren informazio zabalagoa HEMEN.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
