Kudeaketaren Kalitateari Euskal Sariak iragan abenduaren 10ean banatu ziren eta Antzinako Andre Maria Ikastetxea izan zen saridunetako bat. Josefinos izenaz ere ezaguna den ikastetxea Kristau Eskola (KE) elkartearen barruan dago eta haurtzaindegitik batxilergora arteko eskaintza du.
Euskalit fundazioak aitortzen dituen Urrezko eta Zilarrezko Qak ematerako orduan irizpide batzuk hartzen dira kontuan, besteak beste, EFQM Bikaintasun Eredua. 2013an, guztira 14 erakundek jaso zuten Urrezko edota Zilarrezko Qa. Izan ere, sarion helburua da, batetik, kudeaketaren bikaintasuna aitortzea eta, bestetik, golardoatutako erakundeak beste erakunde askoren adibide eta eredu izatea.
1.500 pertsona inguru bertaratu ziren Euskalduna Jauregian egin zen sari-banaketara, horien artean Urduñako alkate Carlos Arranz, Iñigo Urkullu lehendakaria, Euskaliteko presidentea, Hezkuntza, Hizkuntza Politika eta Kultura sailburua eta Enplegu eta Gizarte Politika sailburua.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
