Urduñako udalak Bizkaiko Foru Aldundiarekin egoera ekonomikoa hobetzeko plana adostu du. Atzo aurkeztu eta bozkatu zuten udalbatzan. Egitasmoa Bildukoen aldeko bozkarekintea EAJren abstentzioarekin aho batez onartu zen, gobernu taldeak gehiengo absolutua baitu. Herritarrei azalpena emateko abenduaren 18an asanblada egingo dute kultur etxean. Bilera 19:00etan izango da.
Karlos Arranz alkatearen arabera lortutako akordioa guztien lanaren emaitza da. Dekretu bidez onartuko den akordioari esker, Urduñak 50.000 euro lortuko ditu. Duela hilabete, ordea, Urduñederrarekin lotuta 300.000 euroko ekarpena jaso zuten. Eta, oraintsu Bizkaiko Foru Aldundiarekin itxitako negoziaketaren ondorioz 220.000 euro. "Laguntza totala 770.000 eurotakoa da. 250.000 dekretu bidez, Urduñederratik 300.000 eta hurrengo urterako aldunditik beste dekretu baten bidez 220.000 euro. Era honetan urtero 800.000 euro aurreztuko dira. Aldunditik etorritako laguntzatik zorraren zati bat kendu dugu, baina urtero gastutik 70.000 euro kendu beharko ditugu Horrela, diru sarrera remanente negatiboa murriztea espero dugu", azaldu du alkateak.
Izan ere, aurrez batetik zorra zuten. Eta bestetik defizita: "2011an defizita 900.000 eurokoa zen. Momentu horretan hau ezinezkoa zela ikusi genuen, murriztearekin ez zela aski. Hor hasi zen bidea edo gure eskaera aldundiaren aurrean. Bi urteko ibilbidearen emaitza da hau. Honekin, aurten gure defizita 400.000 eurokoa izan da. Planaren bidez eta ekarritako neurriekin kontuak orekatu eta defizita kentzea lortuko dugu".
Udal zorrak aurretik egindako inbertsioei zor zaizkio: futbol eta golf zelaia, jubilatuen etxea... Egoera ekonomiko larriaren aurrean ekainean udalak bankuarekin zituen zorrak ez zituela ordainduko azaldu zuen, langile eta hornitzaileei dirua itzultzeko.
[video:http://www.youtube.com/watch?v=nFnCvaHwPvU]
http://www.youtube.com/watch?v=nFnCvaHwPvU