Iazko eguberrietan egin bezala, aurten ere Urduñako gaztetxean bertso saioa izango da. Guztira sei bertsolari izango dira Urduñan, datorren astean BECen izango den 2013ko Bertsolaritza Txapelketa Nagusiaren finalean den Beñat Gaztelumendi gaztetxeko oholtza gainean arituko da. Berarekin batera, Peio Ormazabal, Miren Amuriza, Ruben Sanchez, Ohiana Bartra eta Izar Mendiguren laudioarra arituko dira. Unai Menbidil amurrioarra izango da gai jartzaile lanetan.
Iazko esperientzia onari jarraiki, Urduñan bertsozaletasuna badela agerian utzi nahi du Gazte Asanbladak, jende gazteak batez ere lepo bete zuten eraikina pasa den urteko saioan. Aurtengo edizioan ere antzeko arrakasta espero dute antolatzaileek. Hitzordua abenduaren 27an gaueko bederatzietan da, sarrera doakoa delarik.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
