Asteburu honetan ospatuko da Ernai Gazte Antolakundeak antolatutako Gazte Danbada jaialdia Urduñan, martxoaren 29tik apirilaren 1era. Lau egun horietan zehar makina bat hitzaldi, tailer, kontzertu zein ekimenez gotzatzeko aukera egongo herriko hainbat txokotan.
Zortzi gune, dozenaka ekintza
Ekitaldi gehienak zortzi gunetan banatuak egongo dira: Adi!, Irauli!, Gaztetxea, Akeita, Gernika Plaza, Altxa!, Astindu! eta Bizi! guneetan. Azken hiru horietan izango dira kontzertuak, eta hirurak karpa bidez ngo dira estaliak. Altxa! eta Astindu! guneetan dozenaka musika taldek joko dute. Bizi! gunean aldiz, DJak egongo dira gauero. Guztira, Euskal Herritik, Palestinatik, Estatu Espainiarretik, Ingalaterratik zein Alemaniatik etorritako 40 talde zuzenean entzuteko aukera egongo da.
Aiaraldeko musika taldeek ere euren txokoa izango dute Danbadan, larunbatean izango den Rock Maratoian. 12:00etatik 19:00etara izango da, Foru Plazan, eta eskualdeko zazpi taldek joko dute bertan.
Gaztetxean, aldiz, Musika Txokoa antondu da; eta emanaldi musikatuez, jam sessionez eta antzeko ekimenez gozatu ahal izango da bertan.
Musika, baina, ez da izango jaialdiko protagonista bakarra. Hitzaldiek, tailerrek, mahainguruek, omenaldiek, txangoek… presentzia nabaria izango baitute lau egunetan zehar. Ekintza horien bidez fracking-a, sexualitatea, autodefentza, jai eredua, historia, desobedientzia… bezalako gaiak jorratuko dira.
Gainera, kolektiboen azoka, kale animazioa… bezalako ekintzak topatu ahal izango dira herriko hainbat txokotan asteburu osoan zehar.
Egitarau osoa kontsultatzeko eta jaialdiaren inguruko informazio gehiago izateko, sartu Gazte Danbadaren webgunean: gaztedanbada.net