aiaraldea.eus

"Galtzean dagozan gauza asko ez galtzearren sortu genduan ADRAtan alkartea"

Erabiltzailearen aurpegia Aitor Aspuru Saez   Historia  Urduña

KOLDO ULIBARRI (Urduña, 1985) filologoa eta historiazalea da. Urduñako hainbat herritarrekin Adratan elkartean aritzen da. Elkarte honen sorrera eta filosofiaren inguruan mintzatu da.

ADRAtan elkartean zaude. Nola jaio zen elkartea?

KOLDO ULIBARRI (Urduña, 1985) filologoa eta historiazalea da. Urduñako hainbat herritarrekin Adratan elkartean aritzen da. Elkarte honen sorrera eta filosofiaren inguruan mintzatu da.

ADRAtan elkartean zaude. Nola jaio zen elkartea?

Urduñak daukon historia aberatsa dala eta, hainbat jentek ekosi genduen hori historiori batu eta zabaldu behar zala, eta galtzean dagozan gauza asko ez galtzearren sortu genduan ADRAtan alkartea. Bakotxak bere etsean egiten zituezan horrek beharrorrek (huriaren historia jaso) batzaiteko edade askotako pertsonak lotu ginean alkartean, eta gaure pasino bakarra historia ikistea da; baie eskola-liburuetan eta ikisten dan historia baino, herritar zeheak bizi euen historia interesetan jaku.


ADRAtan izena jartzea ez da kasualitatea, nondik dator ideia?

Adra Lendoñon gorde dan berbea dogu, “auzobeharrari” edo Aiarako beste lekuetan “bereda” esaten jakon zerari geituteko erabilten dana. Berbea interesgarria jaku euskieraz eta erdieraz erabilten dalako, baie aren jatorria arabiarra ei dalako bere; honek, gaure eritziz, Urduña zer dan argi adierazten dau: jatorri askotarik etorririko gauzak batzaiten daben huria. Adra berbari euskal inesiboa (nola kasua) gehitu dautsegu arian gabizen talde bat gareala adierazteko.


Zer ekimen mota egin dituzue? Etorkizunean zeintzuk dira zuen asmoak?

Lehen esan legez, herri zehearen historia interesetan jaku eta horretan gabiz, hori historiori batzaiten; oraintxe Urduñan egon zirean ogibehar ezbardinak zeintzuk direan jasoten eta, honegaz batera, urduñarrek itzitako argazkiekaz bilduma sano handi bat batzaiten gabiz. Baie batzaiteaz ganera, jasorikoa herriari ezagutarazo gura geunke bere, eta hau erakusketen eta berbaldien bidez egiten dogu. Atzenik, alkartearen beste helburu bat Urduñako historiaz arduraten direan ikertzaileai behar daudien laguntzea emoitea da. Gerora begira, aipaturiko helburu honeik sendotu gura geunke, erakusketa eta berbaldi barriak eginik eta gai barriak jorraturik.


Zein da oinarritzat hartu duzuen filosofia?

Edonok parte hartu lei alkartean, gutako inor ez da ikertzaile profesionala baie guztiok bizi izen dogun historia da jaso gura doguna; beraz, herritar bakotxaren jakintzatik hasiten gara. Partehartzaile izatea gura dogu, geuk baino bizitza luzeagoa izan daudien pertsonak dira gauri historia irakatsi daikeguenak eta honeei itaundutea eta jasotea edonork egin lei; eta informazino hori sano baliagarri izen daite beste ikertzaile batzuentzat.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa