aiaraldea.eus

Desadostasunak EAJ eta Bilduren artean Kontuen Euskal Epaitegiaren txostenaren harira

Erabiltzailearen aurpegia Txabi Alvarado Bañares   Ekonomia  Urduña

Bilduk dio txostenak EAJk egindako irregulartasunak azaleratzen dituela; EAJk dio ez direla “akats larriak izan”

Urduñako udalaren eta sozietate publikoen inguruko fiskalizazio txosten ofiziala egin du Herriko Kontuen Euskal Epaitegiak, 2009. urteko legaltasuna eta kontabilitatearen inguruan. Bilduk eta EAJk txostenaren inguruko euren iritzia plazaratu dute.

Bilduk dio txostenak EAJk egindako irregulartasunak azaleratzen dituela; EAJk dio ez direla “akats larriak izan”

Urduñako udalaren eta sozietate publikoen inguruko fiskalizazio txosten ofiziala egin du Herriko Kontuen Euskal Epaitegiak, 2009. urteko legaltasuna eta kontabilitatearen inguruan. Bilduk eta EAJk txostenaren inguruko euren iritzia plazaratu dute.

 Bilduk argitaratutako oharrak dio txostenak “hutsune, irregulartasun eta bete gabeko arauak” jasotzen dituela, EAJ gobernuan zegoenean egindakoak, aurreko legegintzaldian. Hala, koalizioaren oharrak diru-laguntzei, kontratazioari eta pertsonalari begira jasotako hainbat irregulartasun zerrendatzen  ditu. Aurreko legegintzaldian EAJko gobernuak udala eta hainbat sozietate publiko zorpetu zituela dio Bilduk. Baina zorpetze horiek “bideragarritasun ekonomikorik gabe eta kredituei aurre egiteko inolako diru-sarrerarik aurreikusi gabe” egin zirela salatu du koalizioak. Horregatik, iraingarritzat hartu du EAJk egungo gobernua udala kudeatzeko gai ez dela esatea, txostenean jasotzen dena ikusita.

 EAJk, aldiz, onartu du agian “izaera administratiboko” huts egiteak egon direla. Baina gaineratzen du ez direla “inola ere ez” akats larriak izan. Alderdi Jeltzalearen arabera, ez da “diru xahutzerik ez zikinkeriarik” gertatu, eta “kutxan eskua sartu ez dela” azpimarratzen du.

EAJren oharra ikustekok klikatu hemen.

Bilduren oharra ikusteko klikatu hemen.

Txostena bere osotasunean ikusteko klikatu hemen.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa