Urduñan eta Tologorrin grabatutako 'Gailurra negua' saioa emititu zuen ETB1ek atzo

Saioaren grabaketaren irudia. Argazkia: Txarlazo Mendi Taldea

Abenduan Urduñan eta Tologorri inguruan grabatutako 'Gailurra negua' saioa emititu zuen atzo gauen ETB1ek. Andoni Aizpuruk eta Irati Andak Gorobel mendilerroa eta Urduña hiria bisitatu zuten Aiaraldeko hainbat pertsonen eskutik. 

Aurkezleek Txarlazo zein Mendiko Lagunak mendi taldeekako kideak izan zituzten bidelagun. Saioa Nerbioi ibaiko ur-jauzian hasi zuten eta, Tologorri gailurrera igotzeaz gain, Urduñako txokoak ezagutzeko aukera ere izan zuten. Saioan parte hartu zuten, besteak beste, Markel Uriarte txirrindularia, Zuriñe Frutos duatloi lasterkaria eta Maria Barbero moto gidaria. 

Lurrean grabatutako irudiez gain, saioan ere dron irudiak tartekatu zituzten. Programa ikusgai dago, osorik, ETBko nahieran zerbitzuaren bitartez: http://www.eitb.tv/eu/bideoa/gailurra--negua/5754/124912/tologorri-eta-urduna/

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide